உங்க பேஸ்டில் உப்பு இருக்கா ?

நீங்கள் ரோஸ் கலர் பற்பொடியில் பல் தீட்டிய தலைமுறையா ? நாங்கள் எல்லாம் குழந்தைகளாக இருந்தபோது பற்பொடியால்தான் பல் தீட்டுவோம். எங்களது பாட்டி உப்புக்கலந்த கரியால் பல் தீட்டுவார். மாமா , சித்தப்பா போன்றோர் வேப்பங் குச்சியாலும் பற்பொடியாலும் கலந்து காலையில் பல் தீட்டுவதை நேரம் எடுத்து ஏதோ ஜிம்னாஸ்டிக் சாகசம் போலச் செய்வதைக் கண்டிருக்கிறேன்.

அப்போது கோபால் பற்பொடியும் பின்னர் உள்ளுர் தயாரிப்பான அண்ணா பற்பொடியும் மிகப்பிரபலம். ஒரு வகையான ரோஸ் நிறத்துக்கும் சிவப்பிற்கும் இடையிலான நிறத்திலிருந்கும் பற்பொடியும் அது தரும் இனிப்புச் சுவையும் இன்னும் மனதில் நிற்கிறது.நமக்குப் பல நாட்கள் பிரேக் பாஸ்ட்டே பற்பொடிதான் (தின்னுடுவேன் சார்).

கொஞ்சக் காலத்தில் - ஒரு 7-8 வயதுகளில் என்று நினைக்கிறேன், பற்பசை வரத்துவங்கியது. முதன் முதல் சிக்னல் என்ற வர்த்தக நாமத்தில் அது சந்தையில் நுழைந்ததால் அண்மைக்காலம் வரைகூட பொதுமக்கள் எந்த பிறான்ட் டூத்பேஸ்ட்டையும் சிக்னல் என்றே அழைத்து வந்தார்கள்.

எந்தப் புதுமையும் எங்கள் பிரதேசத்தில் என் வீட்டிற்குள் விரைவாக நுழைந்துவிடும், சிக்னல் நுழைந்ததும் அவ்வாறே. எனது அம்மா ஒரு மிக நல்ல வாசகி. வாசிக்கும் குணம் எனக்கும் சிறுவயதிலேயே பற்றிக்கொள்ள அவர்தான் காரணம்.அவர் டூத்பேஸ்ட்டின் நன்மைகள் பற்றி எங்களுடன் ஒரு தடவை பேசியதாக ஞாபகம். 

டூத்பேஸ்ட்டின் மணமும் சுவையும் அதை வைத்துத் தீட்டும்போது வரும் ஒரு வெள்ளைக்காரத்தன்மையும் (அப்போது மற்றவர்கள் எல்லாம் அவ்வளவு விரைவில் அதற்கு மாறவில்லை)அதற்காக கம்பனிகள் மேற்கொண்ட மகா மகா விளம்பரங்களும் அதைப் பயன்படுத்தும்போது "Feeling proud" மொமன்றைத் தந்தது.

கிட்டத்தட்ட பற்பொடியால் தீட்டுபவர்கள் வேறு சோசல் கிளாசாகவும் பேஸ்ட்டால் தீட்டுபவர்கள் வேறு சோசல்கிளாசாகவும் பார்க்கப்டக்கூடிய அளவு இந்த டூத்பேஸ்ட்டின் மார்க்கெட்டிங் மெசேஜ் இருந்தது.

நம்மவர்கள் மிக அதிகமாக மேலைநாடுகளிற்குச் சென்றுகொண்டிருந்த காலமும் அதுவாக இருந்ததால் மேலைநாட்டிலிருந்து லீவில் வரும் ஆட்களுடனும் பார்சல்களுடனும் வேறு வேறு பிறான்ட்-மணம்-நிறம்-சுவை உடைய பற்பசையெல்லாம் நமமூரிற்கு படையெடுத்து வந்தது.

கோல்கேட் போன்ற கோப்பறேட் கொம்பனிகள் கோலோச்சத்தொடங்கின.

பற்பொடியும் கரியும் பல்லுக்கு நல்லதில்லை என்று வைத்தியர்களாலேயே (வைத்தியர்கள் ஏன் கோப்பறேட் பிறாண்டுகளைச் சிபாரிசு செய்வார்கள் என்பது இப்போது எல்லோருக்கும்)சொல்லப்பட்டது, வேப்பம் குச்சுத்தான் பல் மிதப்பிற்குக் காரணம் என்றும் சொல்லப்பட்டது. 

உப்பும் கரியும் பட்டிக்காட்டான் பயன்படுத்துவது - டூத்பேஸ்ட் மட்டும்தான் பட்டணத்தான் படித்தவன் பயன்படுத்துவது என்ற நிலை உருவானது. படிப்படியாக பற்பொடியும் பற்பொடிக் கம்பனிகளும் அழிந்தன.

(பின்னர் கோப்பறேட் பல்பொடிகளும் பல வந்தன ஆனால் எடுபடவில்லை.)

மின்ட்,கராம்பு முதற்கொண்டு தேவைக்கில்லாத சென்ட்,ஏலம் வரை தம் பற்பசையில் இருப்பதாகக் கூறிவந்த கம்பனிகள்-சில வருடங்களிற்கு மன்னர் தம் பற்பசையில் கரி இருக்கிறது என்றார்கள். கரி பல்லுக்கு மிகவும் நல்லது என்றார்கள். பக்டீரியாவை வாயிலிருந்து நீக்கும் என்றார்கள்.

சமீபகாலமாக ஓரு அக்கா மைக்கை எடுத்துக்கொண்டு அவனவன் வீட்டுச்சுவரை உடைத்துப்போய் 'உங்க டூத்பேஸ்ட்டில் உப்பிருக்கா?' என்று கேக்குது. (டி.வி. விளம்பரம்)

கோல்கேட்டில உப்பிருக்காம், கோல்கேட்டில கரி இருக்காம் - உடம்புக்கு நல்லதெனறு விஞ்ஞானிகள் எல்லாம் இப்ப கண்டு பிடிச்சிருககிறார்களாம்.

அடியாத்தீ  இதைதானேடி எங்க அப்பத்தவும் சொல்லிச்சு. நாங்களும் பரம்பரை பரம்பரையாச் செய்து வந்தோம்.

பள்ளிக்கூடம் போகாத எனது பாட்டிக்குத் தெரிந்த விஞ்ஞானத்தை அப்படியே மறுதலித்து முப்பது வருசம் எங்க தியேட்டரில உங்க படத்தை ஓட்டிட்டு - மூன்று நாலு தலைமுறையையே நம்ம முன்னோர்கள் எல்லாம் எல்லா விசயத்திலயுமே முட்டாள்கள்தான் என்று நம்ப வைத்துவிட்டு - இப்ப நம்ம உப்பையும் நம்ம கரியையும் அள்ளிப்போடாமல் கிள்ளிப்போட்டு – நாங்கள் எடுத்த படத்தையே எங்க தியேட்டரிலேயே ஓட்டி எங்க கிட்டயே காசு பார்க்க வாறீங்களேடா ?

சட்டத்தின் எந்தப்பிரிவில் உங்களுக்கு எதிராகக் கேஸ் போடுவது என்று தெரியவில்லை(தெரிநதவர்கள் குறிப்பிடவும்)

பாம் ஒயில் விற்பதற்காக எங்கள் தேங்காய் எண்ணையும் நல்லெண்ணையும் கொலோஸ்ரோல் என்றதும், பின்னர் இப்ப, மேற்படி எண்ணைகளில் அதிக அன்ரி ஒக்சிடென்ற் இருக்கிறது , இதயத்திற்கு நல்லது என்று கூவுவதும், சம்பூ(Shampoo) விற்பதற்காய் அரப்பையும் சீகைக்காயையும் பழித்து - இப்போ சீகைக்காயுடன் சம்பூ தயாரிப்பது என்று எங்கள் கலாச்சாரத்துடன் ஊறிய விஞ்ஞானபூர்வமான ஆரோக்கிய நடைமுறைகளை இல்லாதொழித்துப் பணம் பார்த்துப் பின்னர் எங்கள் கண்டுபிடிப்புக்களை தமது கண்டு பிடிப்புக்களாக காட்டிக் காசு பார்ப்பது – கோப்பரேட் கம்பனியின் குணம். 

அவர்களது பொருளாதாரப் பலத்தின் முன்னேயும் மார்க்கொட்டிங் பட்ஜெட் மற்றும் தந்திரோபாயங்களின் முன்னரும் உலகெங்கிலுமுள்ள இயற்கையான கலாச்சாரப் பண்புகள் வாழ்வியல் கூறுகள் என்பன எதிர்த்து நிற்பது கடினம்.

அமெரிக்க ஜனாதிகதிகள்கூட அடிமுட்டாள்களாக இருக்கலாம் என்பதும்(கொரோனாவுக்கு லைசோல் குடிப்பது) , வெள்ளைக்கார நாடுகள் எல்லாம் புத்திசாலிகளின் தேசங்கள் அல்ல என்பதும், டி.வியில் காட்டுவதில் 90 வீதமுமே கலர்ப்படவை கட்டிவரும் பொய்கள் என்பதும்(அமேசான் காட்டு எர்வாமற்றீனால் எவனுக்குடா முடி முளைச்சுது) இப்போது சாதாரண மக்களிற்கும் நன்றாக உறைக்கத்தொடங்கியிருக்கிறது .எனவே எங்கள் கலாச்சாரங்களில் வாழ்வியலில் பல தலைமுறைகளாக பரிசோதிக்கப்பட்ட உண்மைகள் பல பொதிந்திருக்கின்றன என்பதை புரிந்து கொள்ளலாம் - தமிழனாக இல்லாவிட்டாலும் இதை செயார் பண்ணலாம்.

அடோய் கோப்பரேட் கொம்பனி அப்பிரண்டிசுகளா உங்களுக்காக  நாங்கள் எடுக்க இருக்கும் படத்திற்கு ரைட்டில் 'அறை நல்லது.'

குறிப்பு : 

தேங்காய் எண்ணைதான் எங்கள் வீட்டில் அன்று முதல் இன்றுவரை பிரதான எண்ணை. மலேசியாவில் இருக்கும்போது கூட அங்கு தலைக்கு வைக்க வரும் தூய தேங்காய் எண்ணையை அதிக விலைகொடுத்து வாங்கிச் சமையலுக்குப் பயன்படுத்துவோம். கோப்பரேட் கம்பனிகளால் எல்லோரையும் எல்லா நேரத்திலும் ஏமாற்ற முடியாது.